МАНАЙ ОНЦЛОГ ЮУ ВЭ?

Ном, Сурах бичиг, Хэрэглэгдэхvvн

Сургалтын хэрэглэгдэхүүн, ном сурах бичгээ өөрсдийн туршлага болон судалгаан дээрээс үндэслэн хэвлэж бэлддэг ба манай гаргасан сурах бичгийг бусад цэцэрлэгүүд мөн үйл ажиллагаандаа тодорхой хэмжээнд ашигладаг.

1

Гурвалсан харилцаа буюу

тулгын 3 чулуу

Эцэг эх, Асран хамгаалагч болон Багш-Цэцэрлэг гэсэн гурвалсан харилцааг нэн тэргүүнд тавьдаг ба онлайн болон цаасан харилцах дэвтрийг үргэлж хөтлөн эцэг эхтэй хамтран ажилладаг. Гурвалсан уулзалтыг зохион байгуулахдаа эцэг эхтэй ганцаарчлан уулзаж тухайн хүүхдийн өсөлт, хөгжлийн асуудлаар мэдээлэл өгч, зөвлөлдөнө. Хүүхдэд хүргэж буй үйлчилгээний чанарыг сайжруулах , ажлаа дүгнэхэд эцэг эх, асран хамгаалагч та бүхний санал, зөвлөгөө хэрэгтэй байдаг. Мөн бид энэхүү уулзалтаас эцэг эх, асран хамгаалагчаас гарсан санал, зөвлөмжийг харгалзан багшийн ажлыг дүгнэж, ур чадварыг нь сайжруулахад анхаарч ажилладаг

2

Бидний СОЁЛ

юу вэ?

Мэндлэх, Үдэх соёл ...

Мэндлэх нь харилцаж байгаа хүнийхээ сэтгэлийг хөдөлгөж халуун дулаан харилцаа үүсгэдэг тул эцэг эх хүүхдүүдтэйгээ өглөө бүр найрсгаар мэндчилнэ. Сайн байна уу? Өглөөний мэнд. Та сайхан амарсан уу? хэмээн мэндэлж хүндэтгэл үзүүлнэ. Энэ үйлийг цэцэрлэгт орж ирж байгаа бүх хүмүүст хамааруулна. Өдрийн аль ч цагт байнга үйлдэж соёл болгоно. Ирсэн хүн бүрийг хүндэтгэн үднэ. Дараа дахин баяртай уулзах ерөөл өргөн хаалган дээр хүргэж өгөөд инээмсэглэн үдэх ба дахин зочлохыг хүсэн үднэ. Энэ үед гутлыг нь авч дөхүүлж өгөх, өсгийвч хэрэглэхийг санал болгох, хаалга онгойлгож өгөх зэрэг үйлдлүүдийг хийнэ.

Сургалтын хөтөлбөр

Бага насны хүүхэд
гэж хэн бэ?

Тэд хэрхэн
суралцдаг вэ?

Конструктив сурган хүмүүжүүлэх ажил нь Жан Пиаже-гийн онол дээр суурилсан байдаг. (1932, 1946, 1975). Тэрээр мэдлэг, үнэлэмж, оюун санаа, бодол болон тусгаар бие даасан байдал зэрэг хувь хүний зан чанарыг гаднаас дамжуулж олгодоггүй, харин хүүхэд өөрөө дотроосоо идэвхтэйгээр бүтээж бий болгодог гэж үзсэн. Энэ нь материаллаг болон нийгэм-соёлын орчинтой харьцах явцад бий болох бөгөөд энэ үед бие биеэс ялгагдах 2 процесс явагдана:

Ассимляци (Assimilation): Хүүхэд орчноосоо мэдээллийг хүлээж аваад өөрийнхөө өмнөх мэдлэгийн хэмжээнд тайлбарлана.

Аккомодаци (Akkommodation): Хүүхэд саад, бэрхшээлтэй тулгарангуут өөрийнхөө мэдлэгийг ашиглан өөрчилж шинэ туршлага хуримтлуулна.

Timberly Williams

XVII зууны Европт хүүхдийг “Бяцхан том хүн” гэж үздэг байсан. Улмаар цаг хугацааны явцад хүүхэд хэмээх ойлголт бүрэлдэж, шинжлэх ухаанд судалгааны шинэ талбар “Хүүхэд судлал” бий болсон. Хүний хөгжил, төлөвшилд сургуулийн өмнөх буюу бага нас чухал үүрэгтэй. Учир нь бага нас буюу 6 хүртэлх насны хөгжил хамгийн идэвхтэй , хурдацтай байдаг.

Бага насны хүүхдийн амьдрал нь түүнийг бүх талын цогц хөгжилд

хөтөлсөн суралцахуйн зүй ёсны үйл явц мөн.